राजनिती

तिमीले सोचे जस्तो हैन यो राजनिती
आफ्नालाई नै रुवाउने खेल हो राजनिती
नपाएसम्म खुट्टा ढोग्न पछि नपर्नेहरुको
पाए पछि सबै भुलिदिने खेल हो यो राजनिती

गरिबको आँशुमा रमाउँदै पौडि खेल्ने
तिम्ले सोचे भन्दा फरक हो यो राजनिती
जनताको रगतलाई सोमरसमा मिलाई
आफु हाँसि दुनियाँ रुवाउने खेल हो यो राजनिती

जनताको हरपल सेवा गर्ने कसम खाई
गरिब जनताको इमान बेच्ने हो राजनिती
चप्पल लगाएर बाटोमा हिड्नेहरुको
महल बनाई कार चद्ने खेल हो यो राजनिती

राजन थापा (अभिराज)
बनेपा-४,काभ्रे